Hatha kvöldyoga
Þessir tímar eru fullkomnir fyrir þau sem vilja taka tíma bara fyrir sig, gefa sér hvíld frá öllu og undirbúa sig fyrir góðan nætursvefn.
Kostir þess að gera yoga fyrir svefninn:
Getur komið í veg fyrir svefnleysi og andvöku.
Bætir gæði svefnsins og lífsins yfir höfuð.
Hefur róandi áhrif á líkama og huga.
Gæti minnkað blóðþrýsting.
Eykur blóðflæði.
Léttir á vöðva og liðverkjum.
Dregur úr stressi, kvíða og þunglyndi.
Kemur jafnvægi á framleiðslu stresshormónsins kortisól.
Námskeiðið hentar bæði byrjendum og lengra komnum. Einnig hentar það öllum kynjum, aldurshópum, stærðum, gerðum og stirðum líka!
Í hverjum tíma verður tekið mjúkt flæði þar sem við njótum þess að hreyfa líkamann okkar á meðvitaðan hátt með því að draga athyglina inn á við og hlusta á líkamann.
Farið verður vel yfir hverja stöðu og einnig yfir líkamsstöðu- og beitingu til að hámarka virkni og þú lærir að aðlaga hverja stöðu eftir þínu höfði - t.d með aðstoð kubba, strappa og púða.
Hatha yoga snýst um að finna jafnvægi milli líkama, hugar og sálar. Hatha yoga er mjúkt flæði þar sem farið er rólega úr einni stöðu yfir í aðra á meðvitaðan hátt í takt við andardráttinn. ‘Ha’ þýðir sól og ‘tha’ er tunglið og iðkun hatha yoga sameinar þessar orkur og myndar jafnvægi milli þeirra.
Námskeiðið er 5 skipti frá 3.-31.mars og verður alla fimmtudaga frá 20:15 - 21:30.
Námskeiðisgjald er 10.000 kr. og skráning hefst 21.febrúar.
Hægt er að mæta í staka tíma og kostar þá tíminn 2.500 kr. Ef þú vilt mæta í staka tíma sendu mér þá tölvupóst áður á
mariarunb@gmail.com. Ekki hika við að hafa samband á sama netfang ef einhverjar spurningar liggja fyrir.
