KakóRó með Kamillu

Verið hjartanlega velkomin í KakóRó í Om setrinu, miðvikudaginn 28. október kl. 20:00-21:40, þar sem við róum líkama, huga og sál með öndunaræfingum, hljóðbaði og djúpri slökun. Hreint kakó frá Guatemala og hljómar kristalalkemíuskála, gongsins og fleiri hljóðgjafa hjálpa til við að auka ró og tengingu inn á við .

KakóRó kostar 6500 krónur og tíminn er 100 mínútur. Takmarkað pláss er í boði og því nauðsynlegt að bóka fyrirfram hér, https://bit.ly/4rINXsf, eða senda tölvupóst á kamilla@kako.is. Om setrið er á Hafnarbraut 6 í Reykjanesbæ.

Kakóið sem við drekkum frá regnskógum Guatemala er svokallað “ceremonial grade cacao” og sannkölluð ofurfæða. Kakó er blóðflæðisaukandi, hefur jákvæð áhrif á úthald og orku, minnkar bólgur, ýtir undir framleiðslu á gleðiboðefninu serótónín, lækkar streituhormónið kortisól og örvar vellíðunarstöðvar í heilanum og framleiðslu á endorfíni. Hér má lesa nánar um kakó, http://bit.ly/hvaderkako.

KakóRó leiðir Kamilla Ingibergsdóttir yogakennari og tónheilari en hún hefur stundað yoga og hugleiðslu um árabil og kakóið hefur reynst henni dásamlegur hjálpari í gegnum ýmis verkefni í lífinu.